/
Author: Габысаты-Гусалты 3.
Tags: аивадон литературæ сывæллæтты литературæ
ISBN: 978-5-7534-1320-8
Year: 2012
Text
Габысаты-Гусалты Замирæт Шштшш
84 (2 Рос-Осе) Г-12 Габысаты-Гусалты 3. Г—12 Хъулон-мулон гæлæбу [Текст] / 3. Габысаты-Гусалты - Дзæуджыхъæу: Ир, 2012 - 37 ф. Габисова-Гусалова 3. М. Разноцветная бабочка 15ВЫ 978-5-7534-1320-8 Стихи воспитывают любовь к животным, к труду, к природе. Они выражают чувства и настроения детей. ■-4803500201-37 36 12 М131(03)-12 13ВЫ 978-5-7534-1320-8 84(2Рос-Осе) © ГУП РСО-Алания «Издательство «Ир», 2012 © Габисова-Гусалова З.М., 2012 © Григорян В.С., оформление, 2012
ЦЫ МЫН У ЗЫНАРГЪ? Фæрсут мæ, хæлæрттæ, Цы мын у зынаргь? Мæ райгуырæн бæстæ - О, уымæн нæй аргъ. Мæ мадæлон æвзаг, Йæ рæсугъд зæлтæ, Нæ Иры бæстыдзаг Нæ урссæр хæхтæ. Уæладзыг хæдзæрттæ, Быдырты бæркад. Фыдæлты æгъдæуттæ, Ирон лæджы кад. Ныр зонут, хæлæрттæ, Цы мын у зынаргъ? л4г? жт // /,
НÆ ЦАРДЫ БЫНДУР Уæлдæф, дон æмæ хур Сты нæ царды бындур. Хур нæ кæны тавгæ, Дон та кæнæм нуазгæ. Уæлдæф улæфæм рæуæг Æмæ фесты ’вдудон лæг. УАЗАЛÆЙ НÆ ТÆРСЫН Зымæг, мит тъыфылæй калыс, Арвæй урс пакъуытæ згъалыс, Уый æххæст кæныс дæ хæстæ, - Фестад урс дарæсы бæстæ. Зымæг æрдз ысси рæсугъд, Митæй нал зыны мæ худ. Царты бамбæхстысты мæргътæ, Ссырх ысты сæ чысыл къæхтæ. | Уазалæй уæддæр нæ тæрсын, Æъ Кæрты мит лæгау ныммæрзын. Къахдзоныгътæ райсын къулæй, ^Кæнæ ихыл хъазын хъулæй.
к’ БÆРÆГБОН У мæ хæстон дадайæн бæрæгбон, Райста не ’хгæд ыскъаппæй йæ хæдон, Хорзæхтæ зæу-зæу кæнынц йæ риуыл, Алырдæм тæмæнтæ калынц иууыл. БИНОНТÆ Æз, дада, нана, Мад, фыд, хо, Æфсымæр - Уарзон бинонтæ Ыстæм бæгуыдæр. КУСАГ ЧЫЗГ Кусаг чызг Мæдинæ Не ’рбаддзæн æнцад. Балхæдта йын бирæ Чингуытæ йæ мад. Райдыдта ивазгæ Дамгъæтæ кæсын. Гъе стæй та сæ хъавгæ Тетрады фыссын. тжшт "■;■■■' -■--.:;■_•--_■':;."-""■ <щЩ
БÆРÆГБОН У мæ хæстон дадайæн бæрæгбон, Райста не ’хгæд ыскъаппæй йæ хæдон, Хорзæхтæ зæу-зæу кæнынц йæ риуыл, Алырдæм тæмæнтæ калынц иууыл. БИНОНТÆ Æз, дада, нана, Мад, фыд, хо, Æфсымæр - Уарзон бинонтæ Ыстæм бæгуыдæр. ■■•■.■■ п ц КУСАГ ЧЫЗГ Кусаг чызг Мæдинæ Не ’рбаддзæн æнцад. Балхæдта йын бирæ Чингуытæ йæ мад. Райдыдта ивазгæ Дамгъæтæ кæсын. Гъе стæй та сæ хъавгæ Тетрады фыссын. -.-" ■ ■ ■■■■■■ ■ НЕйгййШ :ЖЙЙЭ^
РАЗМÆ Куысты мах нæ зонæм Искæйтау фæллад. Куыстуарзаджы хонæм Хуыздæртыл нымад. Мах аразæм фидæн, Нæ бадæм æнцад. У размæ нæ сидæн, Фæллой та - нæ кад. ~% ч ХОРЗ ÆМБАЛ Хорз æмбал, нæй аргь дæуæн. Хорз æмбал - зынаргь мæнæн. Кад кæныс мæ цинæн ды, Зын дæ дих кæнын фæнды. Ме ’нкъардыл ды маст кæныс, Баххуысмæ фыццаг тæхыс, Хорз æмбал нæй аргъ дæуæн. Хорз æмбал - зынаргъ мæнæн.
$*• ДИССАДЖЫ ХÆДЗАР Бæрæгбоны кадæн Æз мæ фыды мадæн Сныв кодтон хæдзар - Диссаджы лæвар. Чи йæм хæссы фау - Рудзгуытæ егъау, Уардитæ йæ кæрты Батилынц сæ сæртæ. ДЫМГÆ Дымгæ, дымгæ, Зæгъ, цы ниуыс? Бæлæстæн сæ дыргъ Цы уигъыс? Райс-ма цъылын Ды фæлтау Æмæ амæрз Кæрт мæнау. ПОЕЗД . | ^ Чу-чу-чу, чу-чу-чу - Поезд арæуæг, ыстырын. Стæй ныууасыди: У-у-у-у! 'Нхъæлмæ нæм кæсынц Мæскуыйы I/ Ж:
КЪÆЛÆУ О мæ хорз къæлæу, Бирæ уарзын дæу. Равдис ма дæ тых, - Базоной дæ сых. Зар хъæлæсы дзаг, Уадз дæ хъæлдзæг зард Хъуыса, хъуыса дард. СÆНЫКК Æз дæн сæныкк, Зонын уасын: Ме-хъе-хъе-хъе! Зонын хъазын. Ис мын сыкъатæ, Лыстæг къæхтæ, Фæлмæн хъустæ, Дæрзæг æвзаг, Цыбыр къæдзил. Фыдуаг нæ кæнын, Æнцад фæхизын.
ХЪЫЗТ ЗЫМÆГ Згьор, хъызт зымæг, тагъд уæхимæ, Ма мæ смæсты кæн дæхимæ: Бæстæ айнæгау ныссалд, Гыгы къæсæрыл фæкалд. Згъор, хъызт зымæг, тагъд уæхимæ: Бæппу бамбæхсти сæхимæ. Нал уæнды æддæмæ бындз, Асалди мæнæн мæ фындз. ЧЫСЫЛ ДЗИБА Ратæх, ратæх, Чысыл дзиба, Акæнон дæуæн Æз иу ба. Ма тæрс, Нæй мæ къухы дур, Ис мæ къухы дзулы мур. -^ч Щ ч
ДЗЫВЫЛДАР Абон дзывылдар Ракаст хъарм цæстæй. Абон уарзон маргь Ратахт дард бæстæй. Урсхъуыр дзывылдар Рудзынг ’рбахоста. Хуры хъарм тын мын Йемæ ’рбахаста. ХЪАЗÆНТÆ Цас хъазæнтæ ис Бæппумæ - Бирæ ысты, бирæ! Саг, сæгуыттæ ’мæ тæрхъустæ, Рувас, арс, цъæх бирæгъ. Се ’хсæн рабады Бæппу, Семæ зары, хъазы, Сæвæры сæ машинæйы Æмæ сæ фæласы. Ирæ, Динæ ’мæ Мæдинæ Уарзынц хъазæнтæ фыдбирæ. Байдзаг дæ кæндзысты мастæй Иу дæр дзы куы феной састæй. ■"".■■"^■’ ? Г / /’^
ПОРТИ Ис рæсугьд порти мæнмæ, Тынг ысхъиуы уый хæрдмæ. Амбæхсын æй æз мæ фæстæ, Хъулон-мулон сты йæ фæрстæ. Уый нæ уадзы мæн æнцад, - Йемæ чи зоны фæллад?! Иу, дыууæ, æртæ, цыппар, - Тагъд æй ахс æмæ йæ ’ппар. УАЛДЗÆГ РАЛÆУУЫД Уалдзæг та ралæууыд, Къуыпа нæрсы. Мадау нын уый рæвдыд Амонд хæссы. Къуылдым нæм разынди Мигъты бынæй, Астым дæр бахудти, - Нал у фынæй. Малусæг базмæлыд, Сдардта йæ сæр. Уалдзæджы фидиуæг, Фарнимæ цæр! * -Ф, - \Ы- ::■■ ^МШ *:т* V; V
ГЫГЫ, ГЫГЫ, ГЫКЪЫНА Гыгы, гыгы, гыкъына, Уый мын исты куы кæна! Скæнон ууыл галатæ, Стæй ма хъулон цацатæ. Гыгы, гыгы, гыкъына! Уый мæ гыццыл фæкæна. Раттон уымæн баппатæ, Балхæнон ын гагатæ. Гыгы, гыгы, гыкъына! Срæвдз дын кодтон гæбына, Ахуысс авдæны æнцад - Тынг дæ ’вæццæгæн фæллад. Гыгы, гыгы, гыкъына! Балхæдтон дын къæбыла. Аргъау ма йын ракæн тагъд, Уый дæм байхъуса æнцад. УАРЗЫН ÆЗ РÆВДАУÆНДОН Уарзын æз рæвдауæндон, - Хъæлдзæг уым æрвитын бон Нал хъæуы мæн уырдæм хонын, Æз мæхæдæг фæндаг зонын.
УАРЫН Уарын, уарын, Тагьддæр уар. Бирæ ’руарын У дæ бар. Ма хæлæг кæн Ды дæ дон. Хуымтæ ’фсадын Удæбон. ХОРЫ ’ФСИР Хоры ’фсирæн хурмæ Нал уыдис йæ бон. Уый фæдзырдта мигъмæ: - Рауадз-ма мыл дон. Уадз, нæрса мæ гага - Алырдæм хæца Ме ссадæй уæ нана Пух дзултæ фыца. ХУР Хур, хур, ракæс, ракæс, ракæс, Уатмæ хъарм уддзæф æрбахæсс, Батав барæвдау нæ зæхх, Хъазой сабитæ дзæбæх. Щ
МАД Мад, мад, мад! Чи дын бакæндзæн лæггад? Мах, мах, мах! Мах дæ хъæбултæ, нæ мад. ЛÆВАР Цæуын, кæсын, Хъуыды кæнын: Цы лæвар мын бакæндзæн Райсом мæ мад? Уарди, къафеттæ, Кæнæ та гуыл? Хуыздæр уаид уыдонæй Чиныг, Бæгуы! КАРК Хъуыд-хъуыдатт, хъуыд-хъуыдатт, - Систа цъах-цъах карк: ^* |Æз гыццыл Мæдинæйæн 'Рыфтаудзынæн айк. . 1|1§*
МЕ ’ФСЫМÆР Хъæугæрон фæзы 'Хсæр къутæр зад. Лæппу йæм зилынмæ Алыбон уад. Байрæздзæн къутæр - Губакк æхсæр. Адджынæн гагатæ, Хæр æмæ хæр! ’НÆУÆНДАГ Махæн Зæли - ’нæуæндаг, Уымæн риссы йæ дæндаг. Хос нуазын æй нæ фæнды, Дохтырмæ дæр нæ уæнды. Ма ку, Зæли, ма тæрс, Цу, Мæдийы бафæрс. Дохтырæй тæрсын нæ хъæуы, - Уый йæм хъæлдзæгæй фæцæуы. КЪÆБЫЛА Къæбыла мæ фæстæ - «Гъæу! Æз нæ уарзын, Бæппу, дæу. Сусæгæй куы хæрыс дзул, Уæд мæныл та фехсыс дур».
дыгоппон Дыгоппон, дыгоппон, Æз та дын цы кодтон? Цæмæн кæсыс дардæй? Мæнмæ ды æнкъардæй? Нæ хæлдтон дæ ахстон, Дæ цъиуты нæ райстон. Цы мæм хæссыс маст? Цы кæныс цъæхахст?! РОД Уæ мæ гыццыл род - У рæсугъд дæ конд. Ис дæуыл гыццыл Къуыбыр сыкъатæ Нæу дæ къæдзил даргъ, Урс - дæ раззаг къах. Ма ныууас хъæрæй, Саби у фынæй, Ма йæ райхъал кæн Адджын хуыссæгæй.
ЗЫМÆГ Мит ныууарыд хæдзарыл, - Махæн хъармы циу? Кæрты астæу бæласыл Баргьæвст сырддонцъиу. Бахæссæм æй мидæмæ, Уым тæригьæд нæу? 'Рæвæрæм æй артдзæсты, 'Ркæнæм ын мæнæу. МИТЫ ГÆЛÆБУ Миты хур-хæмпус гæлæбу Уалæ тахтис арвыл. Сатæг урс-урсид гæлæбу Абадтис мæ армыл. Хастон гæлæбу нанайæн, 'Рмæст мæ фæнд нæ рауад... Хастон буц лæвар нанайæн, - Уый мæ армы атад. 2 Хъулон-мулон гæлæбу ...■■-- -"■-.- -«-%■■; ■■■ ■■"■'"'■■ \ ;м*ш
УАРЗЫН ÆЗ Уарзын æз сæрдыгон Райсомæй æрвылбон Дыргъдонмæ цæуын. Кæд ыстыр нæма дæн, Гъе, уæддæр мæ мадæн Исты ’ххуыс кæнын. ЗОНЫНЦ ИУУЫЛДÆР Зонынц иууылдæр Дунейы адæм, Састкъах бандоныл Кæй нæ ис бадæн. Æнæцалх уæрдон Размæ нæ тулы. Æнæарт пецыл Нæй фыцæн дзулæн. Афтæ къухтæ дæр Æгуыст куы уой - Никæмæн уыдзæн Йæ къуымы фæллой. . \
ГЫЦЦЫЛ ГИСА Гыццыл гиса - Мæ фæдыл, Мемæ хъазын Æй фæнды. Фæлæуу, гиса, - Цавæр у! Дзул мæ дзыппы Авæрон. КÆМ УЫДЫСТУТ? - Сабитæ, Кæм уыдыстут? - Нанамæ. - Цы бахордтат? - Кас,. - Цы банызтат? - Къуымæл Æмæ... Кас уыд адджын, Къуымæл хæрзад, * , , , % Бахордтам, банызтам, ^ ф Азгъордтам «* Нæхимæ тагъд. Гь
СЫРДДОНЦЪИУ Уарзæм дæ, сырддонцъиу, Махæн дæ зынаргь. Уæд куыд кæна давгæ Ахæм дзæбæх маргъ?! Нанайы хуртуанмæ Æрвылбон тæхыс. Йæ хуртуан гагагай Дæ дзыхы хæссыс. Кæнæм дын мах уайдзæф, - Къæрных дæ ды, гукк! Цæмæн давыс мæнæу? Уый худинаг у!
СЫРХ УАРДИ Сырх уарди нæ кæрты Дидин рафтыдта. Мыдыбындз йæ сæрты Зилдух райдыдта. Тахтис æм æдзухдæр, Зарыд ын хъæрæй: «Цы ма уа рæсугьддæр Дунейыл дæуæй?»
ФÆЗЗÆГ Ралæууыди фæззæг - Хорæфснайæн рæстæг. Адæмы фæзмыдта мыст: Хорæфснайын уыд йæ куыст. Иу бон дæр æгуыст нæ фæцис, Хорæй байдзаг ис йæ къæбиц. 1 ТшТ
ГЫКЪЫНА О гыкъына, гыкъына, Куы дæ мæнæн мæ къона. Æз дæ гоппа ныффасон, Хъарм доны дæ цынайон. Уыйфæстæ æз гугкутæ Нæ тæвд къæйыл афыцон. Гугку Бæппу ахæра, Уый нæ хъуджы рахиза, Хъугæй æхсыр радуцон, Хъарм æхсыр дын адарон. Байрæзай мын, гыкъына, Ды дæ мæнæн мæ къона!
чиныг ■ Саби, ды дæ зæрдыл дар, Чиныг у ыстыр лæвар. Уый дын ракæндзæни аргъау, Барæвдаудзæни дæ мадау. Уый у суадоны хуызæн, Уый у зонд-монды гуырæн. Цин хæссынц дæуæн йæ нывтæ, Ма йын ыскъуын ды йæ сыфтæ. РАЙГУЫРÆН БÆСТÆ Райгуырæн бæстæ - нæ мад, Хъуамæ йын кæнæм мах кад. Æмæ ды дæ зæрдыл дар, Уый - нæ иумæйаг хæдзар. Чи рацæуа ууыл хинæй, Уымæн хай нæ уыдзæн цинæй. Уый фæдзæхст хъæуы æххæст, - Амонд уый дæтты æрмæст. АВДÆНЫ ЗАРÆГ Ахуысс-гъа, мæ хъæбул цæй, Мæтæй фервæзон цæмæй, Дымгæ, хур æмæ цæргæс - Се ’ртæ дæр ысты дæ гæс, Ахуысс, ахуысс хъæбул, цæй.
МА КУ, ЗАРÆ Зарæ доны был кæуы, Арф доны былтыл цæуы. Катайæ фæйнæрдæм тоны, - Бахаудис йæ пурти доны. Ма ку, Зарæ, ма ку, ма тæрс, Уæртæ ма нанайы бафæрс: Пурти н’ ануыгъылдзæн доны, Уый та чи нæ, чи нæ зоны?! УРС ДИДИНÆГ Бурцæст урс дидинæг Доны был æрзад. Хъоппæгцæст, цинхæссæг Армæ каст æнцад. Бауадтæн æм цингæнгæ, Бадардтон æм къух. Мыдыбындз дывдывгæнгæ, Й’ алварс зылд æдзух. гогыз Гогыз фæрдгуытæ æркодта, Къæхтæ зæххыл рæвдз æрхоста. Кафы, кафы, кафы, Пух базыртæ зæххыл хафы. Кафаг гогыз - нæй йын аргъ - Диссаджы хæдзарон маргъ.
ДОНХÆРИС Донхæрис доны был Кæуынæй йæхи мары. Хурмæсыгьд кæрдæгыл Ставд цæстысыг калы. Знон дæр ма цъæхсыфтæр уыд, Кæрдæг карст - цæвæгæй. - Ныр мæ сыфтæр ’рызгъæлди Баззадтæн бæгънæгæй. Уæд мæ сыфтæрыл цы ’рцыд? Зæгъ: цæмæн азгъæлди, куыд? ФÆЗЗÆГ ДЫРГЪДОНЫ Нæ сыфтæр и, нæ - кæрдæг, Цъæх дыргъдон ныссабыр. 'Рмæст ма сыфтæрты фæздæг Аныдзæвы арвыл. Бæлæстæ лæууынц - æнкъард Æмæ кæнынц джихтæ, Баззадысты ныр æдзард Афтæмæй сæ хихтæ. 'Рмæст ма заз бæлас у цъæх - Фырцинæй цъæх дары. Уый цæмæн у цъæх, уый зæгъ. Уымæ ницы хъары?
ФЫНÆЙ СТЫ ИУУЫЛДÆР Æхсæвæн талынг Йемæ æрбацыд. Кæркдонæй уасæг Нæма ныууасыд. Хуыссæг ахсы адæмы, - Саби ’рфынæй авдæны. Мæргътæ - сæ ахстæтты. Бабызтæ - кæркдоны. Хуыккæмтты - рувæстæ, Къутæрты - тæрхъустæ. Ныхъхъус сты сырдтæ дæр, Гыццылтæ, стыртæ дæр. РАЙГУЫРÆН ЗÆХХ Хърихъупп бæстæтыл Бирæ фæтахти. Хърихъупп дунейы Бæстæтыл фæхатти. Мах æй фæфарстам - Хуыздæр кæм у, зæгъ. Уый нын хъæрæй загъта: «Райгуырæн зæхх». -^. :/;: шш ;# ,#7
ХЪАЗ Хъулон хъаз мæ фæстæ - ссс... - Бабиты, Бæппу, уыныс? - Куыдзы ракодтай дæ фæстæ, Хъæрæй байдзаг кодтай бæстæ. Чысыл бабитæ тæрсынц, Алы къуымтæй хъæр кæнынц: Хъа, хъа, хъа, хъа, Акæн тагъд дæ куыдзы, Тагъд! ХЪУГ Хъулон хъуг фырцинæй рызт, Сойджын кæрдæгыл фæхызт. ’Фсæстæй хæдзармæ æрбацыд, Æмæ тынг хъæрæй ныууасыд: Му! Му! Му! Му! Му! Ракæс-ма мæм, о Таму! Цырддæр бæласæй æрбыр, 'Рбахастон дын æз æхсыр. Кæрты дуар мын бакæн тагъд, - Зæхмæ царды хос фæтагъд.
ДИССАДЖЫ МАРГЬ Зæрватыкк бырумæ стахт, Быруйыл цингæнгæ ’рбадт. Стæй къахфындзтыл æркафыд Æмæ хъæрæй ныззарыд: «Фехъус мæ, чысыл Мæди, Уазал зымæг та фæци. Фæтæхын та нæхи бæстæм, Цæй, ракæс-иу мæм хорз цæстæй. 'Рхæсдзынæн дын мемæ уалдзæг, Æз уыдзынæн уым дæ уазæг. Ме ’рцыдмæ мын бахиз м’ ахстон, - Уым æз цас лæппынтæ схастон!» мыст Иу хъæздыг хæдзары дын Гыццыл мыст æрцардис Асдæрды фæйнæджы бын Æмæ цинæй мардис. Алы къуымы бирæ хор, Цармæ дæр-иу суадис. Фæлæ уый нæ зыдта хорз, Гино ам кæй цардис. ;"*«, ■,/ _ __ \Ш ■\\ /Æ &ч.■
Иу бон та дын хъалхуызæй Дзаг цары фæмидæг. Уый фæстæмæ тарстхуызæй Уырдыгæй фæлидзæг: Райхъуысти гæдыйы: «Миау!» Мыст нырдиаг кодта: «Уауу!» Цас фæнды фæдав, фæхæр, - Ратдзынæ ды дзуапп кæддæр. УАРЫ МИТ Уары мит, уары мит, Ног аз сабитæм фæсидт: «Саразут ыстыр цъæх заз, - 'Рцыд уыл мæнæ Нæуæг аз». Уары мит, уары мит, Хъуысы дымгæйы къуыззитт. Цасфæнды дæр, дымгæ, уас, - Кафæм зазы алыфарс. Уары мит, уары мит, Митын Дадайы хъæлæс Хъуысы: «Цæй, уæ заз кæм и? 'Рхастон уын лæвæрттæ æз».
НОГАЗ Ног аз та ацы аз 'Рцæудзæн фæрнæй. Ссудздзæн нæ заз бæлас Алы зынгæй. «Сабитæ, арфæтæ Райсут», - зæгъдзæн. Митын лæг бахуддзæн, Дзурдзæн фæлмæн: Уазалæй ма тæрсут, Зазмæ кæсут. Зарæг ын азарут, Кафгæ кæнут. Уадз æмæ заз бæлас Райгæ кæса. Уадз æмæ заз бæлас Цинтæ хæсса. МÆ ДЗЫЦЦА Нæу мæ бон зæгъын мæнæн, Цас уарзы мæ дзыцца мæн. Зилы мæм, кæны хæринаг, У йæ фезмæлдæй фæзминаг.
Зондамонæг, нæй йын аргъ, Уый у махæн тынг зынаргъ. Сысты райсом, хъуг æрдуцы, Суг æрхæссы хъæд’ æрдузæй. Дзуры мæм: «Чысыл хъæбул, Ахæр-ма хæрзфых хъæдур». Нæу мæ бон зæгъын мæнæн, Цас уарзы мæ дзыцца мæн. ФÆНДАРАСТ, СÆРД Арвыстам та буцæй Ацы аз нæ сæрд. Быдыртæ ’мæ мустæй Хъæлдзæг зарæг зæлд. Цæй, фæндараст, буц сæрд, ’Гас нæм цу, фæззæг. Бавналæм та ногæй Ахуырмæ цæрдæг.
АЛАНЫ МÆТ Дысон-бонмæ стæм тыхст раны, Нал ахсы хуыссæг Аланы. Скъола йын йæ дуар парахат Абон байтындздзæн фыццаг хатт. Нал ары бынат йæхицæн. Къулыл сахатмæ кæсы, Зæронд нанайы фæрсы: - Цæй, кæд уыдзæн, нана, фараст? Райста хызын æмæ араст. Алырдæм æдзынæг каст, Иу дзæгъæл куыдзæй фæтарст. Уæд фæтагъддæр и йæ цыд, - Мæйрухс боны хуызæн уыд. Иу уынджы лæууыд къуындзих, Лæппу ’рлæууыди, ныджджих. Стæй та ацыди уæддæр, - 'Мбæрста раджы ’рцыд ’гæр. Мæнæ скъола у фынæй, Иунæг скъоладзау дзы нæй. Дуарыл бахæцыд Алан, - Йе ’мбæлттæм кæсдзæни ам. 3 Хъулон-мулон гæлæбу
МÆ НАНА Зондджын у мæ нана. Дзуры мæм: - Уæ мæ хур, мæ къона, - Афтæ хоны мæн. ’Руадзын ын йæ базыл Æз мæ пыхцыл сæр Æз ын хъусын уарзын Й’ аргьæуттæм изæр. ТÆРГАЙГÆНАГ Тæргайгæнаг Асæхы Чи нæ зоны нæ сыхы. Сырх фæткъуыйау - йæ рустæ, Алы хæрдыл - йæ бустæ. Тæргай кæны æдзухдæр, Тилы мадыл йæ къухтæ: «Æз нæ уарзын дæ мисын». Стæй райхъуысы йæ тъизын. Зон: Асæх та тæргай у, - Чи та ’рбаддзæн йæ хайыл?
ФЫДУАГ ЛÆППУ Хойы Бæппу йæ уисæй Бындздоны асыкк фæдисæй. Дзуры йæм хъæрæй йæ фыд: -Уым мыд æмбырд кæнынц, мыд. Уис куы аныдзæва бындзыл, - Фат дын асадздзæн дæ фындзы. ЗАЗ БÆЛАС Нæ хъæды рæзыд заз бæлас, Æдзухдæр хъæлдзæг уыд. Сæрдæй-зымæгæй хъал бæлас Цъæх-цъæхидæй лæууыд. Дымгæ йын кодта зарджытæ, Цæмæй кæна фынæй. Тымыгъ æй митæй бамбæрзта, Куыд нæ сæла бынæй. Тæппуд тæрхъус гæпгæпгæнгæ Цъæх зазы бынмæ уад. Ыстонг бирæгъ зырзыргæнгæ Хуыссыди уым - фæллад. Ныр не скъоламæ аивæй Нæ бæрæгбонмæ ’рцыд. Æрхаста бирæ циндзинад Нæ сабитæн йæ уынд.
ЦЫРТДЗÆВÆН Цыртдзæвæны раз судзы Æнусон цъæх арт. Ам тарф фынæй бацис Советон салдат. Куы ссыгьди фыдызæхх, Уæд бахордта ард, Нæ бæсты сæраппонд Кæй ратдзæн йæ цард. Ныр уымæн мах кувæм Нæ сæртæй ныллæг. Уыдзыстæм йæ рухс ном Нæ риуты хæссæг. РУЧКÆ Балхæдта мын ручкæ мад, Алæууыд мæ разы ’нцад. Дзуры: «мæ хур, зæрдыл дар Ручкæ у ыстыр лæвар. Базондзынæ дзы фыссын, Стæй хынцинæгтæ хынцын».
ÆФСАДЫ БÆРÆГБОН Абон не ’фсады бæрæгбон, - 'Рцыд йæ гуырæн бон фæрнæй. Цинæйдзаг æвзыгъд æфсæддон, Стæм сæрыстыр мах дæуæй. Знагæй хъахъхъæныс нæ бæстæ, Зоныс ды фæлгæсын дард. 'Ххæст кæныс æфсæддон хæстæ, Уымæн у бæрзонд дæ кад. УАСÆГ Иу бон дын нæ уасæг Къуымæлæй фæрасыг. Ахауд хæдзары дæлбазыр, Цъыфæй нал зынди йæ базыр. Цъиутæ йыл худынц, Кæрчытæ дзурынц: Нал æм ис æгъдау, Банызта лæгау.
Литературно-художественное издание Для дошкольного и младшего школьного возраста ГАБИСОВА-ГУСАЛОВА ЗАМИРА МИХАИЛОВНА Разноцветная бабочка Стихи на осетинском языке Редактор С.З. Хугаев Художник В. С. Григорян Технический редактор АВ. Ядыкина Корректор Э.Дз. Баликоева Компьютерная верстка З.С. Мисиковой Сдано в набор 07.11.12. Подписано к печати 09.12.12. Формат бумаги 70x90 716. Бум. офс. № 1. Гарн. шрифта «Ариал». Печать офсетная. Усл. п. л. 2,93. Учетно-изд. листов 4,99. Тираж 500 экз. Заказ №1848. С 37. Министерство культуры и массовых коммуникаций РСО-Алания. ГУП РСО-Алания «Издательство «Ир», 362040, г. Владикавказ, проспект Мира, 25.
Табысаты-Тусалты Замирæт